د روان 1401 کال د وري د میاشتې په یوولسمه نېټه د پښتنې بانک د ونډه والو عمومي ناسته ترسره شوه
دغه ناسته د مالیې وزارت د مالي او اداري ریاست چارسمبالي ښاغلي دادالله "هدایت" په مشرۍ د بانک د نظار پلاوي مشر ښاغلي پوهاند ودیر "صافي" ، د پښتنې بانک د عامل پلاوي مشر ښاغلي حافظ غلام اسحق او د بانک نورو ونډه والو په ګډون د پښتنې بانک د غونډو په تالار کې ترسره شوه.
په ناسته کې د تېر 1400 مالي کال په لړ کې د پښتنې بانک کړنې په هراړخیز ډول وارزول شوې.
داچې په 1400 مالی کال کې د پښتنې بانک پانګه ٪59.54 سلنه لوړه شوې او ټولیز بدلون یې 1،663 میلیونه افغانۍ دی، د کارمندانو د فعالیت او هڅو په پایله کې خالصه ګټه 1،813 میلیونه افغانۍ او پاتې ګټه د بانک په پانګونو کې له مثبت بدلون څخه ترلاسه شوې ده او همداراز د بانک عملیاتي ګټه 691 میلیونه افغانۍ ده چې په 1400 کال کې 35٪ سلنه وده ښايي، دغو لاسته راوړنو ته په کتو د غونډې ګډونوالو د تېر مالی کال په اوږدو کې د بانک د مشرتابه پلاوي او کارکوونکو هڅې او کړنې وستایلې، د دوي د نه ستړي کېدونو هلوځلو یې قدرداني وکړه او په روان کال کې یې د دوي د لا پرمختګونو هیله څرګنده کړه. ناسته په دعائې سره پای ته ورسېده.
