د پښتني بانک د خوست ولایت نوی څانګې پرانېست غونډه
![88](/sites/default/files/2024-05/441903748_854363136732220_7500875414966887788_n.jpg)
پښتنې بانک خپله نوې ولایتي څانګه چې په مسلکي پرسونل، عصري ټکنالوجۍ او ټولو اړینو تجهیزاتو سمبال ده په خوست ولایت کې د یوې غونډې په ترڅ کې پرانیستله.
غونډه چې په دې تړاو په 23/02/1403 نېټه د خوست ولایتې ادارو ګڼو مشرانو، د پښتنې بانک مشرتابه پلاوي او ګڼ شمېر خوست میشتو هېوادوالو په شتون سره ترسره شوه، قاري نورالله عارفي د کلام الله مجید د څو ایتونو په تلاوت سره پیل کړه چې د غونډې په لړ کې د خوست اړوند شل فورم سیندیزې حوزې رئیس ښاغلي مولوي عبدالقیوم ثابت، د افغانستان بانک د خوست څانګې عمومی مدیر ښاغلي مولوي سیدمامور ثاقب او د پښتنې بانک سرپرست ښاغلي عبدالواحد رحیمي په خپل وار خبرې وکړې او د څانګې پرانیستنه یې اړین او پرځای ګام وباله. یاده څانګه به د هرډول بانکي حسابونو د پرانیستنې ترڅنګ د د پیسو لېږد رالېږد، برېښنا بلونو، ګمرکي تعرفو، مالیې تحویلئ، د ښاروالۍ صفايي، هر ډول دولتي تعرفو، برېښنايي بانکوالۍ او مبایل بانکوالۍ په وړاندې کولو سره د خوست درنو ولسونو په چوپړ کې وي.
پښتنې بانک خپلو هېوادوالو ته د پراخو، چټکو او معیاري بانکي چوپړتیاوو د وړاندې کولو پر ژمنه ولاړ دی.
پښتنې بانک، زموږ خپل بانک