د پښتني بانک تاریخچه

پښتني بانک یو دولتي ملکیتي بانک دی، چې په کال 1954 میلادي کې تاسیس شوی او د افغانستان بانک سره د سوداګریزې بانکوالۍ جواز له مخې ثبت دی.

 پښتني بانک د هېواد په ډېرو سیمو کې د بانکوالۍ چوپړتیاوې وړاندې کوي، یاد بانک د یو مخکښ سوداګریز بانک په توګه کار کوي او د بانکي سکتور تسلط لري د مالي شمولیت په پراخولو او بانکوالۍ سکتور کې د محصولاتو او چوپړتیاوو په چمتو کولو سره د یاد بانک رول حیاتي دی سربېره پردې پښتني بانک د خپلو ستراتېژیکو موخو تر څنګ ګرانو هېوادوالو ته د پام وړ بانکي چوپړتیاوې وړاندې کوي.

باید څرګنده کړو پښتني سوداګریز بانک خپل فعالیت د  120 یو سل او شل میلیونه افغانیو په لومړنۍ پانګه اچونې سره پیل کړی، چې هاغه مهال یې تشکیل ۲۲ تنه وو او لوی سهم ورکول یې د تقاعد صندوق ، د افغانستان کرنې بانک او یو شمېر نورو شرکتونو څخه وو  پښتني بانک غوره والي ته ژمن دی او  د بانکوالۍ په ډګر کې خپلو پېرېدونکو ته د بشپړې روڼتیا په پام کې نیولو سره په پوره صداقت چوپړتیاوې  وړاندې کوي.

ښاغلی جنت خان غروال د پښتني بانک لومړنی بنسټ ایښودونکی وو، چې د بانکوالۍ په ډګر کې ډېر نوښتونه په لاره اچولي وو، هغه په خپل اصلي دفتر کې د پنځو ځایي، څلور ولایتي او درې سرحدي څانګو سره 10 نوي ډیپارټمنټونه رامنځته کړي وو، چې همدا چاره د پېرېدونکو د ډېرېدو سبب ګرځېدلې وه د دې تر څنګ پښتني بانک درې څانګې چې یوه یې د پښتونخوا په پېښور دویمه یې د کوټې په چمن او درېیمه یې د پاکستان په کراچۍ ښار تاسیس کړې وې.

 په لومړیو 19 کلونو کې پښتني بانک قوي وده وکړه او د ارواښاد غروال  د دندې لاندې قوي ګټې ثبتولو لپاره د دې د شتمنیو اندازه پراخه کړه، بانک د پام وړ اصلاحاتو شاهد وو او د بانک عصري کولو پروسه په سیمه کې د بازار د اړتیاو او د مالي متحرک سکټور پر بنسټ په سمه توګه پرمخ تلله، پښتني بانک له 50 پنځوسو څخه ډېرې مطابقت لرونکې بانکي اړیکې درلودې، چې دا په پرمختللو او مخ پر ودو هېوادونو کې د غوره بانکونو سره د سوداګرېزو اړېکو په شرایطو کې یو غالب بانک بللی شو د بازار اوسنيو اړتیاوو او وده کونکي مالي صنعت پر بنسټ، بانک خپل جوړښت پیاوړی کړی وو، په میاشتنۍ ب .ه یې د څارنې خپلواک بورډ جوړ کړی وو، همداراز د اطاعت خپلواکۍ ، د خطر مدیریت او د داخلي پلټنې څانګې یې درلودلې. د پایلې په توګه دا ډول حرکتونو د بانکي حساب ورکونې ، روڼتیا ، افشا کولو او قوي داخلي کنټرولولو کې مهم ارزښت لري.

سربېره پر دې ، بانک په غوره نرم اطاعت او د خطر مدیریت د معیارونو پوره کولو لپاره ډیره پانګونه کړې وه، چې دا په هېواد کې د کارپوریټ حاکمیت شرایطو کې یو مخکښ بنسټ یادولی شو.

 

bd

 

 

لـــرلـــید                   د رســـالــت شــرحـه                  د کـــارپـوریــــټ ارزښـــتونـو مطلــوب