د پښتني بانک او په غزني ولایت کې د مسلم خصوصي پوهنتون ترمنځ د ګډو همکاریو تړون لاسلیک شو!

د دغه هوکړه لیک له مخې به د دواړو لوریو ترمنځ د علمي، فرهنګي او مسلکي همکاریو د پراختیا؛ د اکاډمیکو او اداري ظرفیتونو د لوړولو، د تجربو د تبادلې او د زده‌کړیالانو لپاره د عملي او انکشافي فرصتونو د رامنځته کولو په برخو کې ګډې هڅې ترسره شي.

پښتني بانک تل هڅه کوي، چې د هېواد له علمي بنسټونو سره د اغېزمنو اړیکو له لارې د علمي پرمختګ او مسلکي وړتیاوو د پیاوړتیا لپاره زمینه برابره کړي. موږ ویاړو، چې د هېواد په کچه د معیاري او عصري بانکي چوپړتیاوو، په ځانګړې توګه د اسلامي بانکوالۍ، له مخکښانو څخه یو.

پښتني بانک — زموږ خپل بانک